વડાપ્રધાન નરેન્દ્ર મોદી 15 ઓગસ્ટે સ્વતંત્રતા દિવસના અવસરે સતત 13મી વખત લાલ કિલ્લાની પ્રાચીર પરથી દેશને સંબોધિત કરશે. તેઓ અત્યાર સુધી 12 વખત લાલ કિલ્લા પરથી દેશને સંબોધી ચૂક્યા છે. તેમના સ્વતંત્રતા દિવસના ભાષણની સમયમર્યાદા દર વર્ષે અલગ રહી છે અને માત્ર એક વખત તેમનું સંબોધન એક કલાકથી ઓછું રહ્યું હતું. તેમના ભાષણોમાં સરકારની ઉપલબ્ધિઓ, નીતિઓ, વિકાસ યોજનાઓ અને દેશના ભવિષ્યને લગતા મુદ્દાઓ પર ભાર રહ્યો છે.