21 ઓગસ્ટ 2026: 2026 FIFA વર્લ્ડ કપની ફાઇનલ બાદ થયેલા વિવાદ અને મેદાન પરના ઝઘડા મામAએ આર્જેન્ટિનાના ખેલાડીઓ સામે કડક કાર્યવાહી કરી છે. સ્પેન સામેની ફાઇનલમાં હાર બાદ થયેલી અલે FIFથડામણને લઈને આર્જેન્ટિનાના મિડફિલ્ડર Leandro Paredesને 10 આંતરરાષ્ટ્રીય મેચ માટે સસ્પેન્ડ કરવામાં આવ્યો છે અને તેના પર 90 હજાર ડોલરનો દંડ ફટકારવામાં આવ્યો છે.

આ ઘટનામાં આર્જેન્ટિનાના અન્ય ખેલાડી Nahuel Molinaને પણ સાત મેચનો પ્રતિબંધ અને 90 હજાર ડોલરનો દંડ આપવામાં આવ્યો છે. FIFAની કાર્યવાહી બાદ બંને ખેલાડીઓ આગામી કેટલીક આંતરરાષ્ટ્રીય મેચોમાં પોતાની રાષ્ટ્રીય ટીમ માટે રમી શકશે નહીં.

ફાઇનલમાં સ્પેન સામે આર્જેન્ટિનાની હાર બાદ મેચ પૂર્ણ થયા પછી મેદાન પર બંને ટીમોના ખેલાડીઓ વચ્ચે ઉગ્ર બોલાચાલી અને ધક્કામુક્કી થઈ હતી. Paredes પર સ્પેનના Gavi સાથે હિંસક વર્તન કરવાનો આરોપ હતો, જ્યારે Molina પર પણ સ્પેનના ખેલાડીઓ સાથે અથડામણ કરવાનો આરોપ લાગ્યો હતો. FIFAએ આ ઘટનાને ગંભીર શિસ્તભંગ તરીકે ગણાવીને કાર્યવાહી કરી છે.

આર્જેન્ટિનાના Thiago Almadaને પણ એક મેચ માટે સસ્પેન્ડ કરવામાં આવ્યો છે અને તેના પર 30 હજાર ડોલરનો દંડ કરવામાં આવ્યો છે. સ્પેનના Gaviને પણ એક મેચના પ્રતિબંધ અને 30 હજાર ડોલરના દંડની સજા આપવામાં આવી છે. આર્જેન્ટિનાના આસિસ્ટન્ટ કોચ Roberto Ayalaને ત્રણ મેચ માટે સસ્પેન્ડ કરવામાં આવ્યા છે.

FIFAએ માત્ર ખેલાડીઓ સામે જ કાર્યવાહી કરી નથી પરંતુ Argentine Football Association AFA પર પણ કુલ 321 હજાર ડોલરનો દંડ ફટકાર્યો છે. આ દંડમાં ફાઇનલ બાદની ઘટનાઓ ઉપરાંત વર્લ્ડ કપ દરમિયાન થયેલા અન્ય નિયમભંગનો પણ સમાવેશ થાય છે.

આર્જેન્ટિના પર રાજકીય સંદેશ ધરાવતા બેનર અને દર્શકોના ભેદભાવપૂર્ણ નારા તથા હાવભાવને લઈને પણ કાર્યવાહી કરવામાં આવી છે. AFAને પોતાની આગામી બે ઘરેલુ મેચોમાં માત્ર 50 ટકા દર્શકોની ક્ષમતા સાથે મેચ યોજવાની સજા પણ કરવામાં આવી છે.

FIFAની આ કાર્યવાહી 2026 વર્લ્ડ કપની ફાઇનલ બાદના વિવાદમાં અત્યાર સુધીની સૌથી મોટી શિસ્તાત્મક કાર્યવાહી માનવામાં આવી રહી છે. જોકે સંબંધિત પક્ષો પાસે FIFAની અપીલ પ્રક્રિયા હેઠળ નિર્ણય સામે અપીલ કરવાનો વિકલ્પ ઉપલબ્ધ છે.